Tata Cara dan Proses adat mantu bahasa jawa

UPACARA ADAT JAWA “MANTU”

          Mantu kuwi tegese nduwe gawe ngomah-ngomahake  putra putrine kang wis diwasalan mampu nguripi awake dheweke.Diarani ngomah-omahake amarga cara nyawijekaken puterine karo kakunge kang banjur manggon saomah lan urip bebarengan ing madyaning bebrayan .Kajaba kuwi uga kaajab supados mengkone kagungan putra kang saged nerusakake katurunan.

            Manut tata cara jawa,ana rerangken tata cara jawa ingkang dilampahi sadurunge ijab kobul yaiku, ndhodog kori, lamaran, siraman, paes, midodareni, lan dodol dawet.Sesampunipun upacara ijab ugi wonten upacara panggih.Rerangkening upacara panggih menika wonten, Balang gantal utawi suruh, Midak tigan, Mijiki, lan sinduran.Ingkang selajengipun wonten Upacara Krobogan, rerangkening adicara inggih menika wonten tanem tetuwuan, bobot timbang, Kacar-kucur, Dulangan utawi Dhahar klimah, ngunjuk toya wening, lan Rebut panggang. Ingkang pungkasan wonten ing upacara adat jawa inggih menika Sungkeman.

            Ingkang adicara kawiwitan menika ndhodog kori wonten tata cara nalika calon penganten kakung silaturrahmi wonten ing daleme calon penganten puteri ingkang nggadahi werdi calon penganten kakung pengen ngerti kahananipun calon penganten puteri lan bisa ugi penganten kakung takon-takon menyang kaluwargane calon penganten puteri gegayutane karo kahananipun calon penganten puteri .Supados calon penganten kakung saestu ndadosaken calon penganten puteri dados garwane kakunge ugi supados calon penganten kakung mboten kuciwa.

       

            Lamaran iku rerangkening tata cara nalika tiyang sepuh utawi waline pihak calon penganten kakung nekani tiyang sepuh utawi waline pihak calon penganten puteri. Ing adicara  lamaran iku wonten adicara liru kalpika utawi tukar cincin .Tata cara lamaran  wau minangka lambing lan awujud tanggung jawab kang bakal ditindakake calon penganten kakung marang garwane utawi menyang kaluwargane .Adicara lajengipun yaiku, siraman. Siraman wau calon penganten puteri lan kakung disirami dening para sesepuhing temanten kangge toya kembang pitung rupa. Siraman iku nduwe werdi supados calon penganten puteri lan kakung resik lair lan batine. Lan kembang pitung rupa iku nduweni werdi  supados wangi. Sesampunipun siraman lajeng diterasaken paes, yaiku calon penganten kakung cukuran rambut. Rambut ingkang dicukur yaiku wulu-wulu kalong ingkang ana neng rai supados calon penganten kakung katon gagah lan gantheng menawi upacara adat ijab kobul diadhakaken.

            Wengine calon penganten puteri nganakaken midodareni yaiku calon penganten puteri diperlakokake kayata widodari ing adicara midodareni. Calon penganten puteri dikurung wonten ing senthong lan boten angsal kapados kalih calon penganten kakung amargi calon penganten puteri diomongi pitutur dening kaluwargane ingkang tiyang estri ngenani babagan mbangun kaluwarga ingkang sakinah mawaddah warrahmah.Lan dilajengi tata cara dodol dawet, dodol dawet niki dianakaken wonten ing dinten sesuke. Ingkang dodolan dawet iku tiyang sepuhe calon penganten puteri lan dibayar kangge pecahan gendheng boten sanes arto kayata biasane. Mlebet wonten ing adicara sesampunipun upacara ijab wonten upacara tanem tetuwuan.Ing adicara menika temanten kalih nanem tetuwuwan ingkang awujud alang-alang, tandur tebu, lan pisang raja.    

                                               

             Adicara selajengake inggih menika balangan gantal utawi suruh. Penganten puteri mbalang wonten ing samparan penganten kakung lan penganten kakung mbalang wonten ing dada.Nggadahi werdi menika supados calon penganten kalih ical pamore (babagan kang ora becik). Mblang suruh penganten puteri wonten ing samparan menika nggadahi werdi supados penganten puteri manut menyang penganten kakung lan penganten kakung mbalang wonten ing dada werdinipun supados penganten puteri kedah setya kalih penganten kakung. Adicara lajengipun inggih menika penganten kakung midak tigan diterasi penganten puteri mijiki samparane penganten kakung. Werdine inggih menika supados mertanda  mecah pamore, ilang sing ala-alane lan ugi gampang diparingi momongan. Wonten ing urip bebrayan menawi tiyang estri teras bakti menyang penganten kakung.

            Sesuke dianakake sinduran memasang sindur menyang temanten puteri lan kakung kayata digendhong ing tiyang sepuh temanten puteri. Ancase, menawi penganten kakung sampun ditampi dening kaluwarga temanten puteri. Dilajengaken bobot timbang werdine tiyang sepuh niku kedah adil mboten mban cende mban siladan (pilih kasih).

            Kedah diterasaken adicara kacar-kucur, adicara menika wonten ing kacu ingkang wonten ing salebete wonten beras ugi saged arto lan sapanunggalane. Simbole penganten kakung saged nafkahi temanten puteri lan kaluwargane mangkone.

            Adicara sesampunipun yaiku, dulangan utawa dhahar klimah gadah werdi inggih menika temanten kalih kedah gadah kekompakan, mboen pareng egois, pada dene urip bareng temanten puteri kalih temanten kakung.

            Adicara selajengipun inggih menika ngunjuk toya wening werdine supados temanten kalih jernih pikirane mboten kotor kayata toya ingkang diunjuk. Lan adicara ingkang nyenengake inggih menika rebut panggang werdi ingkang kandhut wonten ing adicara menika temanten kalih kedah sareng-sareng kerja sama dene urip sesarengan.

            Ingkang adicara pungkasan inggih menika sungkeman yaiku adicara sungkem ing tiyang sepuh temanten kalih werdine menika supados tanda bekti temanten kalih menyang tiyang sepuh.

            Menika kawruh reroncening upacara adat mantu .Taksih katah anggene upacara adat mantu .Ing jaman saiki upacara adat mantu kuwi katone wis arang kang ditindakake kanthi wutuh .Kajaba pancen angel lan ewuh anggone nyawisake, adicara kang mangkono iku kepera ora sithik wragade. Kajaba saka kuwi, para kanoman nom saiki luwih seneng karo babagan ingkang luwih ringkes.Mula ora gumun yen mung para pamengku budaya kayata dene kraton lan priyayi kang isih nindakake tata cara upacara adat mantu kajaba kuwi kanthi wutuh pinangka ngleluri kabudayan jawa.                  

 commment ditunggu yups